Babək Residence yaşayış kompleksi

Babək Residence yaşayış kompleksinin dayanacaq bloku ilə yaşayış blokları arasında olan seysmik tikişin doğru izolyasiya edilməməsi səbəbindən yağıntı zamanı yeraltı avto dayanacağa kəskin şəkildə su dolması baş verirdi. Belə vəziyyətin olması sakinlərin avtodayanacaqdan rahat istifadəsinə mane olurdu. Bununla yanaşı kompleksin həyətində quraşdırılmış su drenajları tıxanmışdı və öz funksiyasını yerinə yetirə bilmirdi. Şirkətimizin peşəkar mühəndisləri tərəfindən əsaslı müayinə işləri aparıldıqdan sonra öncəliklə yaranmış problemlərin səbəbləri əşkar olundu. Problemlərin aradan qaldırılması üçün ən uyğun metod və metoda uyğun olaraq qiymət təklifi hazırlanaraq sifarişçiyə təqdim olundu. Təqdim olunmuş metod və qiymət təklifi siraşçi ilə razılaşdırıldıqdan sonra bağlanmış müqavilə əsasında tərəfimizdən təmir işlərinə başlanıldı. 2 aylıq təmir müddətində öncəliklə yeraltı avtodayanacağa su axmasının qarşısının alınması üçün seysmik tikişlər PVC membranla uyğun şəkildə elastik izolyasiya olundu. Həyətdə yerləşən drenajlar yeniləri ilə əvəz olundu. Dayanacağa düşən avtomobil yolunun kənarı izolyasiya olundu, üstünün polikarbonat örtüyü dəyişdirildi. Binanın yan tərəfində olan avtomobil yolu genişləndirildi. Həyətin müəəyən sahələrində çökmüş, dağılmış asfalt örtüyü və səki daşları yeniləndi. Yeraltı dayanacağın su axması nəticəsində zədələnmiş divar və tavanları alçı ilə təmir olundu. Dayanacağın bütün divar və tavanları boyandı.